24.12.2006
Gleðileg jól
Flugsíðan óskar
lesendum sínum og landsmönnum öllum gleðilegra jóla og þakkar samstarfið á
liðnum arum með von um góða samveru á komandi árum.
22.08.2004
Hotbird.
Flugmálafélag
Íslands og Fyrsta flugs félagið, í samvinnu við Iceland
Express, hafa skipulagt hópferð til London dagana 4.-6. september nk.
Kjörorð ferðarinnar er: “Loftleiðastemming í London” og
hún helguð 60 ára afmæli Loftleiða sem er í ár.
“Við viljum minnast Loftleiða, eins flottasta og framsæknasta fyrirtækis
Íslandssögunnar, fyrirtækis sem var sannkallaður þjóðasómi og kom okkur
Íslendingum í eitt skipti fyrir öll á alheimskort flugsins”, segir Gunnar
Þorsteinsson formaður Fyrsta flugs félagsins og fararstjóri í ferðinni.
27.07.2004
Flugsumarið.
Eins og allir
vita sem fylgst hafa með fluginu í ár þá hefur flugsumarið hafist fyrir þó
nokkrum vikum. Ímsir flugatburðir hafa átt sér stað, má þar meðal annars nefna
hópflug á blöndós en myndir af því hópflugi má sjá á myndasíðu
Geirfugls, Geirfuglin hélt upp á 7 ára afmæli sitt, Flugskóli Íslands
keypti annan seminol sem ætti að komast í gagnið fljótlega og margt fleira
hefur gerst í flugheiminum í sumar.
En margt á
eftir að gerast eins og helgina 17-18 júlí munu Geirfuglar halda sína árlegu
Hellu hátíð og eru allir flug og áhugamenn/konur boðnir velkomnir fljúgandi sem
og bílandi ekkert kostar inn á svæðið
Flugmálafélagið mun svo standa fyrir Múlakots hátíðinni um
verslunarmanna helgina þar verður eflaust mikið flogið ef veður leyfir.
24.12.2003
Gleðileg Jól.
Flugsíðan óskar lesendum sínum sem og landsmönnum öllum Gleðilegra
jóla og farsæls komandi árs. Og þakkar fyrir góðar viðtökur á liðnum árum. Með
von um frábært flugár 2004.
13.11.2003
Flugöryggisfundasyrpa.
Hefst 20 árið í
röð.
Ný flugöryggisfundasyrpa hefst
fimmtudagskvöldið 20. nóvember 2003 20. árið í röð. Fundurinn fer fram á Hótel
Loftleiðum og hefst klukkan 20:00. Dagskrá verður hefðbundinn, farið yfir
flugatvik og óhöpp síðustu 12 mánuði, Pétur K. Maack mun fjalla um EASA
(European Aviation Safety Agency), Þórarinn Kjartansson forstjóri Flugfélagsins
Bláfugls segir frá starfsemi og framtíðarsýn félagsins og ef tími leyfir verður
sýnt athyglisvert myndband.
05.11.2003
Haustfagnaður
FÍE.
Félag íslenskra einkaflugmanna mun standa fyrir
haustfagnaði föstudaginn 7. nóvember. Haustfagnaðurinn mun fara fram í
félagsheimili FÍE við fluggarða, húsið opnar kl: 20:00 og verður opið fram
eftir nóttu. meðal efnis á haustfagnaði verður verðlaunaafhending fyrir
flugrallý ársins, myndasýningar og fleira. seldar verða vægar veitingar á vægu
verði.
03.09.2003
Silfur-Jódel
Seinni hluti.
Seinni hluti Silfur-Jódels lendingarkeppninnar
fer fram laugardaginn 6.sept næstkomandi kl:13:00 á Tungubakkaflugvelli í
Mosfellsbæ. Þessi árlega lendingarkeppni fer þannig fram að tvisvar á ári er
keppt og vinnur sá sem á besta skorið úr annari hvorri keppninni, þannig að
ekki er þörf fyrir menn að keppa í bæði skiptin til að eigja von á sigri.
Ef ekki verður nægjanlega gott veður á
laugardaginn mun keppnin verða færð á sunnudag. keppnin hefst klukkan 1300 og
er þáttökugjald aðeins litlar 1000 krónur.
Silfur-Jódelinn fór fyrst fram árið 1990 og
hefur verið keppt á þessu móti á hverju ári síðan. Þrátt fyrir að þessi keppni
heiti Silfur-Jódel og nafnið sé tengt við Jódel flugvélar, sem byggðar eru úr
timbri og klæddar með súkk og frekar skrítnum upp sveigðum vængjum og flestar
þeirra á stélhjóli, þá er öllum heimil þáttaka á hvernig flugvél sem er.
Stigaröð eftir fyrri umferð:
1. Snorri B.
Jónsson
TF-ULV 34
stig
2. Jón Karl
Snorrason
TF-ULF 39
stig
3. Maggnús Víkingur
TF-REF 48
stig
4. Davíð Björn
Ólafsson
TF-OXO
75 stig
15.08.2003
Flugdagur í Reykjavík.
Flugleiðir og Flugfélag Íslands munu standa
fyrir flugdegi í Reykjavík þann 16 ágúst í tilefni af 30 ára afmæli Flugleiða, 100 ára
afmæli flugs í heiminum og 60 ára afmæli þristsins, DC3 flugvélarinnar
sögufrægu.
Dagskrá í stórum dráttum fyrir flughátíðargesti:
15:00 Flughátíð Icelandair og Flugfélags Íslands hefst: Skemmtileg dagskrá við
skýli 4 á Reykjavíkurflugvelli til 20:00
15:15 Keppni í Skutlukasti, 60 ferðavinningar og 100 aukavinningar
15:30 Þyrla Landhelgisgæslunnar sýnir flugatriði
16:00 Samflug innanlandsflugvéla frá 1946
16:15 Björgunarfallhlífarstökk
16:30 Svifflug og karamellukast við skýli 4
17:00 Tignarlegt Listflug
17:30 12 manna fallhlífarstökk og marklending
18:00 Eltingarleikur í háloftunum
18:30 Sjö vélar frá Flugskóla Íslands sýna listir sínar
19:00 Landgræðslan dreifir blómum við flugskýli 4
20:00 Dagskrá lýkur
Einnig má geta þess að Flugfélagið Geirfugl verður með 2 flugvélar
félagsins til sýnis fyrir hátíðargesti.
15.08.2003
Múlakot 2003.
Flughátíð flugmálafélagsins var haldin í
múlakoti um verslunarmanna helgina í stórkostlegu veðri. Sjaldan hafa jafn
margir gestir komið á hátíðina og í ár en stanslaus umferð akandi og fljúgandi
fólks var á svæðinnu alla helgina.
Myndir
frá hátíðinni má sjá hér
24.06.2003
Hella 2003.
Hella 2003 hin árlega flughátíð Flugfélagsins Geirfugls verður haldin nú um
helgina 28-29 júní. Þar mun verða lögð áheyrsla á skemmtun gleði. 'A
laugardaginn mun hin víðfræga lendingarkeppni Geirfugls verða og er hún opinn
öllum sem vilja taka þátt. Að henni lokinni mun taka við fjölskylduskemmtun
fram að kvöldmat og mun þá verða kveikt upp í grilli til afnota fyrir Geirfugla
og aðra gesti, og að lokum verður kvöldskemmtun á svæðinu. Og á sunnudeginum
verður svo flogið sem veður leyfir.
Allar vélar Geirfugls verða á svæðinu svo lengi sem þær
verða flughæfar, búist er við fleiri vélum á svæðið bæði í stutt stopp og næturlangt.
Það hefur ýmislegt skemmtilegt gerst á Hellu
meðal atburða sem má nefna að hafa komið óvænt upp á á Hellu á undanförnum árum
eru t.d. Þyrlur frá norðurvíking hafa látið sjá sig, yfirflug Páls Sveinssonar,
"mið"næturflug í mörkinna og margt fleira.
Geirfugl vil koma því á framfæri að allir eru
velkomnir á svæðið Geirfuglar sem og aðrir flugmenn/konur og annað
áhugafólk um flug. Ekki er rukkað fyrir tjaldstæði.
05.05.2003
BIRK og
Flokkarnir.
Nú eru að koma kosningar og þá er vert að skoða afstöðu
stjórnmálaflokkana til BIRK.
Framsóknarflokkurinn er með skýra afstöðu og vilja að innanlands,sport-
og sjúkraflugi sé áfram þjónað frá Reykjavíkurflugvelli og jafnframt því beri
að tryggja betri samgöngur milli Reykjavíkurflugvallar og Keflavíkurflugvallar
með tvöföldun Reykjanesbrautar og bæta aðgengi að Reykjavíkurflugvelli.
16.04.2003
Flugklúbbur
Íslands.
Í janúar var stofnaður nýr flugklúbbur
í anda Geirfugls. Guðmundur Unnsteinsson einn af stofnendum klúbbsins segir að
það sé rangt sem haldið hefur verið fram að fyrsta vélin verði keypt þegar
selst hafa 30 hlutir, heldur sé ætlunin að kaupa vél og sé ýmislegt þar í
skoðun og vonast hann eftir að búið verði að ganga frá kaupum á vél öðru
hvoru meigin við næstu mánaðarmót. Byrjað verði á eini vél og svo verði vélum
fjölgað á næstu mánuðum og 3-4 vélin verði tveggja hreyfla og kemur hún að
öllum líkundum erlendis frá.
Guðmundur telur að margar sögur séu í gangi um félagið sem ekki eru á rökum
reistar og þær verði leiðréttar á næstunni á heimasíðu
félagsins.
Flugsíðan óskar Flugklúbbi Íslands til hamingju með stofnun félagsins.
16.04.2003
SE-LMB(TF-WOW)
á leiðinni.
Nýja flugvél Flugfélagsins Geirfugls er að leggja af stað frá
Svíþjóð. Og mun hún væntanlega vera í Noregi í kvöld og fara yfir hafið á
morgun og verða í Reykjarvík seinni partinn á morgun.
Hjá Geirfuglum fæst ekkert upp gefið hvaða stafi nýja vélin muni bera, þar sem
ekki hefur verið tekin ákvörðun um það ennþá, en TF-WOW er ein runan sem nefnd
hefur verið ásamt fjölmörgum öðrum. WOW stendur fyrir Wilbur og Orwille Wright.
12.04.2003
Geirfugl
endurnýjar.
Flugfélagið Geirfugl hefur
fest kaup á nýrri flugvél af gerðinni Socata TB10 árgerð 1999 flogin innan við
100 tíma. Vélin er mjög vél búin tækjum og mun Socata TB9 vél Geirfugls TF-BRO
verða seld í staðinn. Nýja vélin kemur frá Svíþjóð og er væntanleg til landsins
jafnvel fyrir páska. Hér má sjá upplýsingar
og myndir af nýju vélinni.
Heyrst hefur að Geirfugl sé að hefja leit af 7undu vélinni í flotann sinn.
12.04.2003
Nýr
Flugklúbbur.
Stofnaður hefur verið nýr flugklúbbur í anda Geirfugls og ber hann
nafnið Flugklúbbur Íslands. Ætlunin er að vera með 3 vélar 2 einshreyfils og 1
tveggjahreyfla. Og mun fyrsta vélinn verða keypt eftir að um 30 manns munu hafa
reitt út 250.000 krónur hver.
Heimasíða Flugklúbbs Íslands.
28.02.2003
Olís hefur sölu
AVGAS 100LL.
Olís hóf í dag aftur sölu á AVGAS 100LL eldsneyti eftir um viku
stopp. Við nánari rannsóknir á þeim birgðum sem félagið á á
Reykjarvíkurflugvelli hefur komið í ljós að þær birgðir standast kröfur.
Og hófst því sala úr tanki Olís í dag en þar geta þó aðeins þeir verslað
eldsneyti sem hafa lykil af þeim tanki.
Hjá Shell er ekki hafin afgreiðsla á eldsneyti ennþá en þeir gera
sér vonir um jákvæðar niðurstöður úr rannsóknum sem eru í gangi en svör úr þeim
eru væntanleg seinni partin í dag, og í framhaldi af þeim niðurstöðum verða
frekari ákvarðanir teknar.
En eftir sem áður stendur til að nýjar birgðir af AVGAS 100LL muni
berast hingað til lands um miðjan mars mánuð.
24.02.2003
Flugskemmtanir.
Næstkomandi laugardagskvöld 1.mars verður margt um að vera í
skemmtanalífi flugmanna og áhugafólks. Flugmálafélagið
mun standa fyrir skemmtikvöldi í félagsheimili Seltjarnarness og lofa þeir arfa
skemmtilegri dagskrá og mun hún verða birt síðar.
Á laugardag 1.mars mun svo Flugfélagið
Geirfugl halda sinn árlega aðalfund, en um kvöldið munu svo Geirfuglar koma
saman í félagsheimili Karlakórs Reykjarvíkur ÝMI og skemmta sér á hinni árlegu
árshátíð, en þar mun margt verða gert sér til gamans og mun hin sívinsæla
hljómsveit Geirfuglarnir koma þar fram. Þetta er í annað sin sem Geirfuglarnir
koma fram á árshátíð Geirfugla.
23.02.2003
Flugöryggisfundur.
Flugöryggisfundur verður í bíosal Hótel Loftleiða næstkomandi þriðjudag
25.febrúar kl: 20:00. Þar verður fjölbreytt dagskrá og má þar meðal
annars nefna kynningu Ottó Tynes á nýjum flugöryggis námskeiðum
Flugmálastjórnar, fyrirlestur Snorra Guðmundsonar flugverkfræðings um Cirrus
flugvélar, Örn Johnson og Jón Karl Snorrason fjalla um atvik þegar loftskrúfa
brotnnaði í 4000 fet hæð, og er margt fleira á dagskrá
Sjá nánari dagskrá
22.02.2003
FMS gefur út
nýtt notam.
Flugmálastjórn hefur gefið út nýtt notam varðandi AVGAS 100LL
22. febrúar 2003
C-NOTAM nr. 0038/03 AVGAS 100LL
Gildir frá: 22. febrúar 2003 kl. 13:00
Gildir til: 28. febrúar 2003 kl. 13:00
Fram kom við reglubundna prófun á flugvélabensíni, AVGAS 100LL, að það
uppfyllir ekki lágmarks kröfur um uppgufunarþrýsting. Við þær aðstæður geta
dreifingaraðilar ekki ábyrgst gæði eldsneytisins að svo stöddu miðað við flug
án sérstakra takmarkana.
Allt flug flugvéla sem nota slíkt bensín hefur því verið stöðvað þar til
umráðendur loftfaranna fá staðfestingu dreifingaraðila að eldsneytið uppfylli
kröfurnar. Eina eldsneytið sem staðfest er til þessa að uppfylli kröfurnar er
að finna á Rifi. Sýni hafa verið tekin annars staðar á landinu og er verið að
bíða niðurstaðna úr þeim mælingum. Fyrstu niðurstaðna er að vænta seinna í dag
og á morgun, 22. og 23. febrúar.
NOTAM C 0035/03 frá 21. febrúar fellur hér með úr gildi.